“Хатанбаатар” ХХК нь Барилгын зургийн төв институтын нэг маягийн зургийн товчооноос үүсэлтэй бөгөөд анх 1993 онд барилгын зураг төслийн “Хулс” хоршоо нэртэйгээр 4 ажилтантай салбарлан гарч, 1996 оноос “Хатанбаатар” ХХК болон өргөжин ажиллаж байна.
Бид барилгын зураг төсөл, барилга угсралтын үйл ажиллагаа эрхлэх тусгай зөвшөөрөлтэй аж ахуйн нэгж бөгөөд барилгын зураг төсөл боловсруулах салбар нь тэргүүлэх чиглэл болж, салбартаа нэр хүндтэй, тэргүүн эгнээнд ажилладаг, мэргэшсэн хамт олон юм. Эдүүгээ 30 гаруй ажилтан ажиллагсадтай болсон бөгөөд инженер техникийн ажилтнуудын 40 хувь нь Монгол улсын зөвлөх болон тэргүүлэх инженерүүд байдаг.
Өнгөрсөн хугацаанд барилгын зураг төсөл боловсруулах үйл ажиллагааг тасралтгүй явуулж Нийслэл болон хөдөө орон нутгийн 600 орчим барилга, хот байгуулалтын зураг төсөл боловсруулах ажлыг гүйцэтгэсэн бөгөөд үүний 90-95 хувь нь баригдаж, ашиглалтанд орсон.
Бид бүх төрлийн барилгын зураг төслийг боловсруулахаас гадна интерьер болон экстерьерийн зураг төсөл боловсруулах, захиалагчид зөвлөгөө өгөх чиглэлээр ажилладаг. Бид гадаад улсын мэргэжил нэгт Солонгосын Sung-Lim, Doshiin, Kio-Arch, БНХАУ-ын Bao Chang, АНУ-ын Sintesi Design, ХБНГУ-ын LUDWIG PFEIFFER, Азийн хөгжлийн банк, Солонгос улсын AUM & LEE Consortium зэрэг байгууллагуудтай олон төслүүд дээр хамтран ажиллаж байгаа нь олон улсын түвшинд хөл нийлүүлэн ажиллахад дэмжлэг болж байгаад баяртай байдаг юм.
